2019-imiit
2029-mut innuttaasut amerlassusissaat (2050)
Naatsorsuutit
matumani saqqummiunneqartut tassaapput ukioq manna januaarip 14-iani
naatsorsuutit saqqummersinneqartut nutarterneri. Kisitsisaataasivimmittaaq
tabelit innuttaasut amerlassusissaannut kisitsisinik nutartikkanik ilaneqarput.
Periaatsimut
kiisalu naatsorsuinermi tunngavigineqartunut paasissutissat pillugit
saqqummersitaq www.stat.gl/bed201804/o1
innersuussutigineqarpoq.
Innuttaasut
amerlassusissaannut naatsorsuutit pineqartillugit eqqaamasariaqarpoq
kisitsisinik paasissutissaliorneq nalinginnaasoq pineqanngimmat, kisiannili
innuttaasunut naatsorsuutit kingulliit kiisalu ukiuni qaangiuttuni qulini
misilittakkat aallaavigalugit naatsorsuutit inerneri pineqarmata. Tamannalu
siunissami inuiaqatigiit agguataarneranni ineriartornermi; meeqqiortarnermi,
toqusoqartarnerani, nunasisarnerni nuuttarnernilu ilimagisanik ilaneqarpoq.
Innuttaasut
annertussusaannik peqquteqartumik nalorninartoqartarnera annertuvoq,
pingaartumik naatsorsuutit inernerinut annikitsukkaarlugit suliarineqarsimasunut.
Siunissaq ungasinnerusoq eqqarsaatigalugu (ukiut 10+) inernerit pisussanik
naatsorsuinertut isigineqassapput, ilimagisanut taakkartorneqartunut
assinguneruleriartortussatut.
Naatsorsueqqissaartarfiup
annikitsukkaartumik naatsorsuutit inernerinik saqqummiussiniarluni
aalajangerneranut Kisitsisaataasivik aqqutigalugu
naatsorsuutit atorfissaqartinneqartut ataatsimut tunngaveqarnissaat
pissutaavoq.